اهلا بيكم يا متداولين 🤍
#متوسطي الخبره +Bهنعلمك انهارده اساسيات
ادارة المخاطر *و شرح بعض *المؤشرات الهتساعدك كتير في تحليل السوق . 🔰ادارة المخاطره Risk management : ☝ ادارة المخاطره في شغلنا بلا شك هيا اهم من الشغل نفسه … اهم من التحليلات بانواعها وحجم راس المال … ادارة المخاطره هيا البتفرق فعلا المتداول الناجح من الفاشل في مجالنا .ℹ اهم المبادئ الاساسيه :( الخلاصه من اعظم من في مجالنا ) ⿡ المخاطره في كل تراد او سهم لا تتعدي ال ٢٪؜ او ٣٪؜ كحد اقصي من اجمالي راس مالك … جملة " انا محبوس في السهم الفلاني نازل بيا ..٪؜🤦🏼 " … ده معناه انك اخدت قرار شراء خاطئ والتمسك بالقرار الخاطئ في حد ذاته قرار خاطئ😑 .🏷 مثال :اشتريت سهم cib بي 100,000 ج والسهم خسرك 3000 ج … واكتشفت انو مش ممكن يطلع دلوقتي لتارجت … انتا كدا في وسط القرار الخاطئ ولازم تنسحب … حتي لو السهم رد هتبقي مجرد صدفه وليس علم وكدا مش هطول في المجال ☹.⿢ نسبة المخاطره الي العائد Risk Reward Ratio : بتكسب كام من كل سهم او تراد قدام البتخسره 🏷 مثال : لما بكسب في سهم بكسب 2% ولما بسمح بخساره بخاطر بس 1% … كدا يبقي النسبه 1:2 *يعني بتكسب ضعف ما بتخسر *في الحقيقه نسبة المخاطره الي العائد هيا البتحدد مدي نجاحك علي الكدي الطويل … واين كان طريقة شغلك ايه او نسبتك كام لازم ميكون RR بتاع حضرتك اقل من 1:1 ابدا … يعني مينفعش تخسر في كل سهم اكتر من البتكسبه .⿣ وقف الخساره وجني الارباح ( التارجت ) : سواء كنت مستثمر طويل الاجل او شغال مدي متوسط او قصير … لازم تكون محدد قبل الشراء *مستوي الخروج *من السهم لو وصل للسعر معين بناءا علي تحليلك سواء كان فني او اقتصادي 💵جني الارباح والتارجت لكل سهم بيختلف هنا من نوع تداول لاخر
🔰المدي الطويل بيبقي شايف نسب اكتر من مستهدفات مثلا 50% في سنه او 100%
🔰 المدي المتوسط اهدافك لازم تكون متحدده والسهم يبقي ممكن جدا يوصلها في اقل من ٣ شهور علي الاكثر
🔰 المدي القصير والمضاربين اهدافهم قريبه جدا من مستوي الدخول .

اهلا بيكم يا متداولين 🤍
#متوسطي الخبره +B تعاله نتعمق شويه في التحليل الفني مع بعض … ونتكلم علي دمج الدعم والمقاومه مع انماط الشموع .ℹ وزي منتا عارف طبعا الدعم مستوي سعر يميل عنده السهم الي الانعكاس او الصعود …. والمقاومه مستوي سعر يميل عنده السهم الي الانعكاس او الهبوط . طيب ليه نستهدم انماط الشموع مع العلم انها غير صحيحه معظم الوقت 🤔 ؟! 👈🏻 لان انماط الشموع لما تندمج او تستخدم مع مستويات المقاومات والدعوم بتساعدك جدا علي تاكيد إذا كان السعر هيلتزم بمستوي الدعم او المقاومه ده او لا .⚜ بتديك نقطة دخول او خروج  ممتازه بناءآ علي معنويات السوق ⚜ 🔰 اهم انماط الشموع : Hammer ⿡
Engulfing candle ⿢
Shooting star ⿣
Doji ⿤وبعد نقاش قررنا مش هنترجمهم لان ده علم مستورد من الخارج ( زي كل التحليل الفني ) ويجب عليك حفظهم
ℹ السؤال ازاي ادمجهم مع المقاومه والدعم المتحددين علي الشارت ؟! 👈🏻 ببساطه هتعرف كل نمط بيعبر عن ايه وتشوف اخر شمعه علي مستوي الدعم او المقاومه … وكدا هتشوف وتفهم حاجه لسه محصلتش … وتعاله نوضح بمثال : 👈🏻مستوي دعم قوي … وصل السعر عنده وعمل شمعه هابطه كبيره … وقبل مشمعه تقفل انحسرت الشمعه لتكون doji bar ده معناه ان فيه مشتري دفع السعر = مستوي دخول .👆وهنا اقولك نصيحه احترافيه :🔰 انتظر دائما إغلاق الشمعة قبل انخاذ القرار سواء بيع او شراء 🔰

اهلا بيكم يا متداولين 🤍
#متوسطي الخبره +Bتعاله نتعلم اداه فعاله جدا تساعدكم في تحديد نقط الدخول والخروج في الاسواق الماليه : ⚜ مستويات فيبوناتشي ⚜🔰ايه مستويات فيبوناتشي ؟!تصحيح فيبوناتشي هو اداة تساعد في تحديد المستويات الرئيسيه التي ينعكس عندها السعر او يواصل اتجاهه . ده بيعتمد علي متتالية فيبوناتشي … بحيث بتمثل مستويات معروفه وهيا :
23.6% - 38.2% - 50% - 61.8% - 78.6% 🔰كيفية استخدام فيبوناتشي ؟! ⿡ ابحث عن اتجاه واضح صاعد او هابط علي الشارت .⿢ ارسم فيبوناتشي ( متاح في كل منصات التحليل )
في الاتجاه الصاعد من القاع الي القمه
في الاتجاه الهابط من القمه الي القاع
" مع مراعاة ان القمه او القاع لازم تكون مستويات رئيسيه " 💡 مستويات تصحيح 38.2 % و 61.8% هيا الاهم .
وغالبا بتكون المستويات دي دعم في الصعود ومقاومه في الهبوط . 🔰 مستوي الالتقاء : 👈🏻اجمع مستويات فيبوناتشي مع مستويات الدعم / المقاومه او انماط الشموع لتاكيد التحليل .